早前有機會可以以優惠價 HKD200 購買原價 HKD2090 的十隻 Fevaworks 出品的視像課程系列，一聽好似真係好抵，一折的價錢，仲要有十個課程。所以二話不說就已經買了，但後來看了一兩隻開始有點失望，應該是話以 HKD200 買還算可以，但係如果用正價買的真的是覺得有點貴得可憐。

就以數碼單鏡反光機入門來講，原價為 HK299，但全片只有 16 分 44 秒，教的是基基基本的重點，我相信無算點計，這個價錢對我來說也是不值的。而其他的電腦課程光碟就一定須要電腦才能播放，如果我要一邊睇一邊跟住做的話就很不方便了。

話說回頭，如果這只是一個宣傳手法當然是很好，一次過可以學 9 個不同的電腦課程（因為 Windows7 分了上下集），但大家就記得等電腦節或者有優惠時再好購買。如果唔係我寧願你用 HKD2090 去買一堆電腦書睇，我諗你得著的將會是更多更多。

大家也可以留意佢既網頁，佢都會不定時推出不同的優惠吸引大家，官方網站：http://www1.fevaworks.com/portal/site/course.asp?code=IFEVA&categoryid=14。

Popularity: 2% [?]

Acer Liquid 在香港已推出一段時間，如果 Google Nexus One 未出，佢就係 CPU 最快的 Android 手機，現在只好排個第二吧。我諗試用過咁多部 Android 手機，Android 的功能就不多說了，附圖自己睇。對我黎講，Acer Liquid 都可以說是一部性價比高的手機。

其實這部電話同 CSL（One2Free、1010）合作，所以只要用 CSL 的電話卡也是可以特到本地化的資訊，睇圖吧。

大家可能覺得 Acer 這部機完全用返 Andorid 本身的界面，無好似 HTC 那個 SENSE 的華麗界面，又無特別為這部手機寫一 D 相對應既程式，好像少了一點誠意，但其實對我來說或者一班玩家來說問題應該不大，因為 Android Market 已經可以解決大部份問題，只是麻煩了一步 – 下載。

不過唔駛下載既預設服務又唔係完全無既，只是你覺得好唔好用又另一件事。

其實這部手機 Acer 又未到完全無做過野，只是所做的是不是香港人的口味呢。最簡單佢內設的 Spinlets Music 針對的已不是本地市場，如果換成 KKBOX 之類反而有大不同。而同 1010 合作的本地資料，由於用 web 的方式表現，所以好多字體大小，左右邊位都未如理想，如果能以 APP 的方式出現，效果又是另一睇法了。只可以講 Acer 是有花過時間在這部機上，只可能是行錯方向，捉錯路又未能了解一般用家所需所想。

Acer Liquid 對一般新手黎講可能並不大好，但如果你是用過 Android 系統，又或許你唔介意上 Android Market download 程式的話，以 Acer Liquid 既 config 同價錢，又是可以考慮入手機種。

Popularity: 21% [?]

今次是打個小廣告啦。因為最近一個愛創作、愛畫 illustration 的中學同學 fafagirl 將她的興趣發展為事業，攪了一個設計網站。她的設計包括有結婚咭、封蠟貼紙、記念品、相簿、名片、書本插圖、仲有其他等等平面設計。

在網站裡除了可以找到她的設計作品外，還清楚列明了價錢、製作所需時間，整個落單流程都有清楚交代。所以如果大家有想找人做一 D 平面設計的工作，又不想花太多錢找一 D 設計公司，不妨可以與 fafagirl 聯絡呀，所有設計絕對原創，不會是範本作品呀。

網址：http://www.fafagirl.net/

EMAIL + MSN: fafagirlfafa[at]hotmail.com

雖然找我落單都唔會有折啦，不過還請大家多多支持啦！

Popularity: 10% [?]

今年倒數由於得到了海港城除夕倒數迎 2010 門票，所以當然拎住相機到海運大廈露天停車場等影煙火迎 2010，由卡當日要有票先可入場的原故，所以可以唔駛一早去等位都可以有個有利位置影相。

但當晚風都幾大，當大家看相片時都會看到煙火都被吹埋左一邊，有點可惜。由於小弟平時都是影人像比較多，到要影景的時候，尤其煙花這類要點小技巧的課題，當然要求救啦。好在當晚有兩位陪我一齊的師兄，給了我一點建議，才算過關。

提示如下，如你已是大師級就請不要看了，失禮晒。

1. 一支穩健的腳架：當晚由於太大風，我的入門級腳架還是比吹起得有點震，所以拎 DC 的你更加要留意。
2. 手動對焦：先用相機的 A mode/ P mode 測試一張，再將相架較到 M mode 根據之前的結果作修正（光圈盡可能細一點，F8 以上也不為過）。修正時留意相出來的光度可以比正常間一點，因為煙火的光度很易爆光呀。
3. 對焦點為無限遠：只要找一點最遠的點對焦後，再將鏡頭的 AF mode 轉做 M mode 就可以了。
4. 遙控開關（Shutter 線）：這是選擇性啦，因為用左佢就再減輕了按快門時對相機的震動。

大家下次不妨一試吧。

Popularity: 16% [?]

Popularity: 9% [?]