一部 MP3 音質當然是主要的賣點，如果唔係就用電話聽到歌就算了。YP-R0 傳送 MP3 落機的步驟非常簡單，就如平時大家用開的 USB 手指一樣，連接電腦後只要將檔案貼入 MUSIC 的資料夾就可以了。由於我平常聽的都是流行歌多，所以今次就放了馮曦妤的新碟落機試，發覺在唔開啟任何 EQ 的設定下，人聲同音樂都很清楚聽到，唔會有焗全焗住出唔到聲既感覺。而且將音量較到 3/4 高音位也未見刺耳。

雖然唔開 EQ 已有不錯既音質，但其實機內也有三星數碼自然音效引擎 DNSe™ 3.0，據稱能增強聲音和音樂的現實性，但當開啟後，相對驚喜就無咁大。當然也有自訂模式，方便進階的用戶自行調較自己喜愛的音色。

有一個我覺得今次 Samsung 有誠意的地方，是它跟機的耳筒是一音質不錯的入耳式耳筒，有別於平時送慣的開放式耳筒。入耳式的耳筒特點在於可以有效隔絶外界噪音，令大家可以更聽得清楚歌的細節，係香港無論去到邊都咁多人，又嘈的環境下非常適合，但大家記得過馬路要睇車，唔係隔音後又開到好大聲，隨時有車黎都唔知就唔好啦。

Popularity: 16% [?]