一部 MP3 音質當然是主要的賣點，如果唔係就用電話聽到歌就算了。YP-R0 傳送 MP3 落機的步驟非常簡單，就如平時大家用開的 USB 手指一樣，連接電腦後只要將檔案貼入 MUSIC 的資料夾就可以了。由於我平常聽的都是流行歌多，所以今次就放了馮曦妤的新碟落機試，發覺在唔開啟任何 EQ 的設定下，人聲同音樂都很清楚聽到，唔會有焗全焗住出唔到聲既感覺。而且將音量較到 3/4 高音位也未見刺耳。

雖然唔開 EQ 已有不錯既音質，但其實機內也有三星數碼自然音效引擎 DNSe™ 3.0，據稱能增強聲音和音樂的現實性，但當開啟後，相對驚喜就無咁大。當然也有自訂模式，方便進階的用戶自行調較自己喜愛的音色。

有一個我覺得今次 Samsung 有誠意的地方，是它跟機的耳筒是一音質不錯的入耳式耳筒，有別於平時送慣的開放式耳筒。入耳式的耳筒特點在於可以有效隔絶外界噪音，令大家可以更聽得清楚歌的細節，係香港無論去到邊都咁多人，又嘈的環境下非常適合，但大家記得過馬路要睇車，唔係隔音後又開到好大聲，隨時有車黎都唔知就唔好啦。

Popularity: 16% [?]

Related posts:

1. Samsung YP-R0 MP3 到手了 間唔中都會有人 MSN 問我，想買 MP3 買邊日部好，唔知係咪身邊敗家的朋友多，我都唔諗就答一句 iPod Touch 啦，當然佢地會問有咩好，我自然會答又上到網，又聽到歌，又睇到片，MON 又大，又打到機，差唔多咩都做到啦。不少朋友的反應是要咁多功能黎做咩，我只係想聽歌。 其實市面上都仲有好多功能簡單，聲靚，樣靚既產品既，就如今次到手的...
2. SAMSUNG ST500 自拍不求人？ SAMSUNG ST500 主打功能，唔駛我多講大家都知係係自拍啦。對於一個男孩子，自拍當然唔係強項啦，就算我成日用相機去影人，但係到自拍時都一定要請教身邊的女性們，可能她們天生就有自拍既本能（寒）。因此，今次要拍試下 SAMSUNG ST500 自拍功能有多強，所以找來了 model PHOEBE 幫手，等達人評分一下。 首先，我地來到一間...
3. SAMSUNG ST500 真正體驗（下） 早前的一篇已睇過 SAMSUNG ST500 在日夜的表現，我相信大家都是滿意的了。這一篇就主力睇一睇 ST500 在夜間的表現又是如果。 在這張相中所見，在晚間 ST500 的能力也不弱，雖然跟白天相比，下降是必然的，但是銳利度及層次也是可見的，只是由於 ISO...
4. SAMSUNG ST500 真正體驗（上） 不經不覺 SMASUNG ST500 已在我手中兩星期了，在這裡就作一個少少的報告先迎。這部機絕對比我想像中好用的，無論是外貌、手感、速度都是高分的。可能由於自己用開單反的關係，對於功能上的分數就比較手緊點，但都是合格的分數。那我們就先看看這部機的功能再說吧： 一黎當然睇下 ST500 的表現吧。大家可以 click 圖放大呀，雖然唔係原大小，但係大家都應該可以睇到這部機的功力是不錯的，中央位置非常細膩，而邊位的鈍利度也沒有太大的下降，對於一部 DC...
5. SAMSUNG ST500/ ST550 全新雙屏幕數碼相機 今次真的是幸運兒了，因為能夠成為 SAMSUNG 全新雙屏幕數碼相機（DC）免費率先試玩的一員。講開數碼相機走入平民都只是有三十年歷史，但係依家既數碼相機功能已相當完備：高清拍片、體積細小、像素高、防水防塵防震、面部對焦、外觀美等等，都已成為 DC 不可或缺的一部份。對於一步新既 DC 要吸引新既用家，或者吸引一班用家換機可以說是越來越難。 而 SAMSUNG 就睇準自拍是現時年青人的潮流玩意，推出了這款雙屏幕設計相機，帶來...

Related posts brought to you by Yet Another Related Posts Plugin.