今次就不再多講，就直接看一段短片吧，當中大約都將 YP-R0 的主要功能試運作一次了。你不難發覺它是運作速度也算是快的，按下鍵後，很快便會有相對反應，這段片段是沒有聲音的，不要以為片段有問題呀。

Click here to view the embedded video.

再來就是三段 YP-R0 的音質片段，我想大家要先關閉大家電腦的音效 EQ 設定，以便聽出比較原本的 YP-R0 的音色。

或許您也應該看看：
Samsung YP-R0 MP3 到手了	Samsung YP-R0 MP3 淺試音質	［新聞發報］數碼港與 YouTube 香港合作推廣「全港首屆立體 3D 創作比賽」	Samsung NX100 拍片功能
无觅

一直以來管理自己的 mp3 都是用 folder 的方式，而沒有用音樂管理軟件去做。原因同我聽歌的方式可能有關吧，因為我通常都係一個 folder 一隻專輯，而聽時又會一隻專輯完整去聽，所以就無左別人要管理播放清單（playlist）那個問題。所以如果手上部 mp3 機唔駛一定要裝軟件先去入到歌，我通常都唔會入。當然自從有了部 iPod Touch 就另一個說法了。

今次 Samsung YP-R0 MP3 雖然唔駛裝佢送的 EmoDio 音樂管理軟件，都可以直接過歌落去，但因為有一 D 功能要用到這個軟件才能做到，所以還是要一裝。裝後發覺介面非常簡潔，基本上就是一看就會知點用的了。未有連接 mp3 時，它本身就可以當一個 mp3 player，而當連接你部 mp3 後，它就分開了左右兩邊分別管理電腦及 mp3 機內的檔案，包括了音樂、電影、相片、錄音片段、播放清單（playlist）。

好了，剛才說到了有一個功能要用到 EmoDio，那就是一個叫 Datacast 的一個功能，這個功能其實就要比你用黎聽 Podcast 的，只要你輸入一條 rss 的 podcast feed，它就會自動將佢 download 落你部電腦當中，而且仲有不同的選項。這算是一個幾 up-to-date 的功能，因為大家都知香港的網台、播客的時間，我諗大家除了聽歌外，聽網台節目的次數也會越來越多，這可算是這機比到我的一個驚喜功能呀。

或許您也應該看看：
Samsung YP-R0 MP3 淺試音質	Samsung YP-R0 MP3 到手了	Samsung YP-R0 MP3 試用片段	SAMSUNG NX100 創新鏡頭 i-Function 功能
无觅

一部 MP3 音質當然是主要的賣點，如果唔係就用電話聽到歌就算了。YP-R0 傳送 MP3 落機的步驟非常簡單，就如平時大家用開的 USB 手指一樣，連接電腦後只要將檔案貼入 MUSIC 的資料夾就可以了。由於我平常聽的都是流行歌多，所以今次就放了馮曦妤的新碟落機試，發覺在唔開啟任何 EQ 的設定下，人聲同音樂都很清楚聽到，唔會有焗全焗住出唔到聲既感覺。而且將音量較到 3/4 高音位也未見刺耳。

雖然唔開 EQ 已有不錯既音質，但其實機內也有三星數碼自然音效引擎 DNSe™ 3.0，據稱能增強聲音和音樂的現實性，但當開啟後，相對驚喜就無咁大。當然也有自訂模式，方便進階的用戶自行調較自己喜愛的音色。

有一個我覺得今次 Samsung 有誠意的地方，是它跟機的耳筒是一音質不錯的入耳式耳筒，有別於平時送慣的開放式耳筒。入耳式的耳筒特點在於可以有效隔絶外界噪音，令大家可以更聽得清楚歌的細節，係香港無論去到邊都咁多人，又嘈的環境下非常適合，但大家記得過馬路要睇車，唔係隔音後又開到好大聲，隨時有車黎都唔知就唔好啦。

或許您也應該看看：
Samsung YP-R0 MP3 到手了	Samsung YP-R0 MP3 試用片段	SAMSUNG NX100 之相片後製	Samsung NX100 拍片功能
无觅

間唔中都會有人 MSN 問我，想買 MP3 買邊日部好，唔知係咪身邊敗家的朋友多，我都唔諗就答一句 iPod Touch 啦，當然佢地會問有咩好，我自然會答又上到網，又聽到歌，又睇到片，MON 又大，又打到機，差唔多咩都做到啦。不少朋友的反應是要咁多功能黎做咩，我只係想聽歌。

其實市面上都仲有好多功能簡單，聲靚，樣靚既產品既，就如今次到手的 Samsung YP-R0。其實我自第一部 Mp3 係 We Wa（還有人記得這牌子嗎？），之後的是 iAudio，都是韓國製的，所以本身就對韓國製的 MP3 有一定信心，而 Samsung 也是韓國牌子，雖然 YP-R0 寫的是 Made by SAMSUNG 而非 Made in KOREA，但還是對佢也是有一點期望。

簡單的 YP-R0 介紹是 2.6″ QVGA 顯示器，FM 功能，聽歌睇片睇相功能都齊全，也有 SAMSUNG 自家的 DNSe™ 3.0 功能，用於增強聲音和音樂的現實性。這機有黑、粉紅兩色，鋁質機身僅厚 8.8 毫米，我諗不少女孩子也會喜歡，情人節快到，如果未諗到送咩禮物，大家不妨考慮一下。

其實一路試玩，手感速度功能完全是可以話滿足到大部份用家的需要（need），而需求（want）就等我慢慢試用再為大家介紹啦。

或許您也應該看看：
Samsung YP-R0 MP3 淺試音質	Samsung YP-R0 MP3 試用片段	超級巨星：駱胤鳴 - 如果我是個男孩 by SAMSUNG ST500	CANON PIXMA MP268
无觅